عينـي وطنـــه ومــوطني وسـط عينــــه ..!

اللي حضن هالليـل بعيـونـه الســـود
هـو منـوتـي يـانـاس ويـنــي وويـنـــه


مقياس حبـي كل يـومـن لـه يــزود
والبعـــد زاد الـشــوق بينـي وبينــه


دايم معي في طيف الأحلام موجـود
عيني وطـنـه وموطـنـي وســط عينــه


أشفق على شوفـه وأنا عنه محــدود
مجـنـــون فـيــه ومـثـلــي الله يعينـــه


هـذا بســاط الحــب لـه بـس مـمــدود
ويالله عسى هاليـوم تضحـك سنينــه


هو كامل الأوصاف ولا فيـه منقـــود
حـتى الشهـــد مـن شفـتــه ماخـذيـنــه


الـمــوت لجــل عيـونـه الســـود محمــود
ولجـلــه بعــد كل الـعــذاب أستهـينـه


يالله تاخـــذ كل حـاقــد و"حـاســود"
يسعـى لقـطـــع الـوصــل بينــي وبينــه